Un total de 26 alumnos participaron neste diploma específico para os profesionais da saúde podal, organizado conxuntamente pola Universidade Complutense de Madrid e Conafe e que tivo unha duración de 5 días durante o mes de febreiro (3 de contido teórico na facultade de Veterinaria de Madrid e 2 prácticos en ganderías de Trazo, na Coruña).
A parte teórica foi impartida por profesores da Universidade e veterinarios con experiencia en podoloxía bovina, mentres que as prácticas de campo foron avaliadas por dous formadores traídos de Francia exclusivamente para este curso.
Esta primeira edición do Diploma, orientado a alumnos de nivel avanzado e dirixido a podólogos bovinos que xa teñen anos de experiencia, ten como obxectivo achegarlles coñecementos técnicos e certificar a súa experiencia e calidade de traballo como recortadores de pezuñas.
