O vindeiro xoves 25 de xuño Elanco ofrecerá de 13:00 a 14:00 horas (CET) un seminario online sobre as formas nas que o control efectivo de moscas pode reducir a transmisión de enfermidades, mellorar o benestar tanto animal como das persoas e protexer a produtividade en vacas de leite.
Tras a presentación, a cargo de Jamal Farran (Elanco), tomará a palabra o relator, o veterinario entomólogo Rick Hack, para afondar no impacto das enfermidades transmitidas por moscas nas explotacións de vacas de leite, así como na repercusión comercial e económica da infestación de moscas nas granxas.
Os interesados en ver a charla poden rexistrarse gratuitamente nesta ligazón.
O seminario será en inglés, pero contará con tradución simultánea ao español, francés e portugués a través da aplicación móbil Interprefy.
