A frisona 6718, filla de Siemers Fitters Choice-ET, de Pedro Miguel Cordeiro Costa (Ginetes, Ponta Delgada), alzouse este sábado co título de gran campiona do XXII Concurso Micaelense da Raza Holstein Frisia das Azores, que se celebra no recinto feiral de Santana, na illa de San Miguel.
O xuíz canadense Jon Kingdon concedeulle a palmada da vitoria a este exemplar, coa que se pechou a competición morfolóxica do certame.
Esta edición do concurso, organizada pola Associação Agrícola de São Miguel, concluirá mañá coa entrega de premios aos gañadores.
