A primeira poxa de gando frisón de 2026 na provincia de Lugo, celebrada este sábado pola mañá en Friol e organizada por Africor Lugo, acadou un volume total de negocio de 60.300 euros.
O evento tivo lugar no mercado gandeiro da localidade e sacou a poxa un total de 17 animais, entre 11 vacas paridas e 6 xovencas próximas ao parto, procedentes de ganderías inscritas e con controis sanitarios e xenéticos completos. Vendéronse, a granxas de Lugo, Pontevedra e A Coruña, todos os exemplares sacados á pista e o prezo medio por animal situouse en 3.547 euros, reflexo do interese dos compradores polos exemplares de frisón seleccionados.
O prezo máis alto da xornada foi acadado por Lacpi Altamesmerize 5459 324, da gandería Lacpi (Sarria), que foi adquirido pola gandería Estanqueiro (Portomarín), por un importe de 4250 euros.
Desde a organización valoraron de forma positiva o desenvolvemento do evento e destacan tanto a participación de gandeiros e compradores como o nivel dos animais presentados, ao tempo que subliñaron a importancia deste tipo de iniciativas para a dinamización do sector gandeiro na provincia.
