Logo das baixadas dos últimos meses, os valores dos lácteos volven tomar impulso en setembro na poxa neozelandesa de Fonterra. O índice global de prezos do comercio de produtos lácteos alcanzou hoxe os 4.072 $/tonelada, cifra que mellora nun 2 % a anterior poxa e que mantén a tendencia á alza.
O produto cun incremento mais destacado foi o leite enteiro en po, que rexistrou un prezo final de 3.733 $/tonelada (+3,7 %). Tamén é notable a mellora do queixo, que aumenta o seu valor un 2,1 % e acada os 5.147 $/tonelada.
En contrapartida, descenden lixeiramente a manteiga e o leite desnatado o po. A primeira anota un prezo de 5.356 $/tonelada (-0,2 %), mentres que o segundo chega aos 3.547 $/t (0,7 %).
Na análise en retrospectiva é sinalable a equidade entre as cifras de setembro de 2021 e de 2022: os valores mantéñense similares.