O mercado italiano de Verona, un dos principais referentes europeos para o leite spot, situou esta semana en 50,52 euros por cada 100 litros a cotización do leite enteiro pasteurizado spot de orixe estranxeira, procedente principalmente de Alemaña e Austria.
Este prezo supón un incremento semanal do 9,1 %, que se engade ás subas rexistradas durante o último mes.
A cotización máxima actual, de 50,52 euros por cada 100 litros, practicamente duplica a rexistrada a comezos de ano e recupera os niveis acadados ao peche do pasado verán.
