A última poxa do ano de Fonterra termina cun novo descenso no índice global de prezos do comercio de produtos lácteos, dun 4,4 %, anotando un prezo medio de 3.341 $/tonelada.
A pesar diso, cabe recalcar nesta poxa a notable subida da mozzarrella, dun 6,7 %, alcanzando un valor de 3.395 $/tonelada. Pola súa parte, o prezo do queixo cheddar mantense estable, anotando 4.646 $/tonelada.
En contraposición, descende a tasación do leite enteiro en po (-5,7 %), da manteiga (-2,5 %), e do leite desnatado en po (-2,1 %), rexistrando prezos de 3.161 $/tonelada, 5.012 $/tonelada e 2.431 $/tonelada, respectivamente.
