15-11-2022
O índice global de prezos do comercio de produtos lácteos aumentou na xornada de hoxe en Fonterra un 2,4 % ata os 3.623 $/tonelada.
En concreto, este aumento xeral veu impulsado pola mellora nos valores do leite enteiro en po e do leite desnatado en po. O primeiro subiu un 3,1 %, ata os 3.057 $/tonelada, mesma porcentaxe en que se incrementa o segundo, neste caso ata os 3.397 $/tonelada.
Pola contra, baixan os prezos do queixo (-1,3 %) e da manteiga (-0,8 %), ata os 4.746 $/tonelada e os 4.829 $/tonelada, respectivamente.
