A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, acaba de publicar o Informe de Declaracións de Entregas de Leite Cru a Primeiros Compradores correspondente ao mes de xaneiro de 2022, no que se rexistra un prezo medio do leite en España de 0,371 €/litro. Cun incremento de sete milésimas con respecto ao mes de decembro de 2021 (0,364 €/litro), continúase constatando a tendencia á alza dos prezos do leite desde o mes de xuño do ano pasado.
Baleares (0,352 €/litro), Galicia (0,359 €/litro) e Cantabria (0,363 €/litro) manteñen os seus postos entre as comunidades coas retribucións máis baixas do país, mentras que destacan cos mellores prezos ao produtor Canarias (0,458 €/litro), Andalucía (0,394 €/litro), País Vasco (0,390 €/litro) e Asturias (0,389 €/litro).
