O prezo do leite spot en Italia pecha novembro por encima dos 70 céntimos

O prezo de venda do leite a granel no mercado italiano, referencia a nivel europeo, conclúe o mes de novembro sobrepasando a barreira dos 70 euros por cada 100 litros. O leite cru spot nacional no mercado de Milán fixou un prezo este luns, 28 de novembro, de 70,11 euros/100 litros, cifra que mesmo se superou no mercado de Verona, no que lograron os 70,62 euros/100 litros. 

En canto a transaccións interestatais, o mercado milanés, que recolle leite spot chegada de Francia, fixou un valor para este produto de 65,98 €/100 litros, e en Verona, o leite spot austríaco e alemán chegou a un prezo de 67,53 €/100 litros.

É posible que esta tendencia alcista se manteña se, tal e como sinalan os expertos, nos próximos anos continúa o aumento do consumo de lácteos parello a un descenso no volume de produción, o que implicará un despunte no valor da materia prima.