20-01-2022
A Comisión Europea fai público un informe no que se rexistran incrementos importantes durante o mes de novembro na media de prezos dos diferentes produtos lácteos: leite cru, leite enteiro e desnatado en po, manteiga e queixo cheddar.
Ata un 3,5 % chegou a subir o prezo medio do leite cru (40 €/100 kg) e do leite enteiro en po (423 €/100 kg). O leite desnatado en po alcanzou os 339 €/100 kg, o que supuxo un incremento dun 3,1 %, e a manteiga logrou unha suba do 2,7 %, ata os 573 €/100 kg.
Por último, o prezo medio do queixo cheddar, aínda que menos, tamén aumentou nun 0,7 %, ata chegar aos 339 €/100 kg.
