Á espera de que os prezos de referencia do leite se manteñan estables, FrieslandCampina mantén en novembro o importe en 62,25 euros/100 kg de leite. isto inclúe unha corrección positiva debido aos prezos de referencia máis altos para o leite das granxas no período recente.
O prezo aplícase a 100 kg de leite con contidos estándar de 3,57 % de proteína, 4,42 % de graxa e 4,53 % de lactosa, sen IVE. Neste mes, o valor da proteína é de 998,72 euros; o da graxa de 499,36 euros e o da lactosa de 99,87 euros por 100 quilogramos.
O prezo do leite baséase no contido de graxa, proteína e lactosa do leite achegado pola explotación leiteira en cuestión. A diferenza entre o prezo garantido e o prezo do leite obtense pola liquidación dos custos fixos de 0,18 euros.
