A industria láctea holandesa FrieslandCampina informou sobre o prezo do leite aos seus produtores en setembro, que descende por segundo mes consecutivo. A baixada con respecto ao mes de agosto é de 0,50 € por cada 100 quilogramos de leite, garantindo un valor de 55,75 €/100 kg.
O prezo integral do leite en setembro queda, por tanto, nos 58,96 €/100 kg. Este importe baséase no prezo garantido, complementado pola prima máxima de Foqus planet, polos esforzos en sostibilidade, e un bono por cantidade, despois das deduccións por cargos e custos. Ademais, os membros de FrieslandCampina poden recibir un pago adicional en función dos resultados e da política de ganancias retidas adoptada.
O valor garantido aplicarase aos 100 kg de leite con contidos estándar de 3,58 % de proteína, 4,45 % de graxa e 4,53 % de lactosa, sen IVE. As cantidades aplícanse a unha subministración media de 925.000 quilos de leite anuais. Este mes, a cotización da proteína é de 851,58 euros e a da graxa é de 567,72 euros por 100 quilogramos.
