15-03-2022
A segunda poxa de Fonterra de marzo pechouse hoxe cun lixeiro descenso do 0,9 % no índice global de prezos con respecto á quincena anterior, pero o prezo medio segue marcando cifras históricas por riba dos 5.000 $/t de media, concretamente, 5.039 $/tonelada.
Neste contexto, seguiron á alza os valores do queixo e do leite desnatado en po, que alcanzan os 6.412 $/t (+1,6 %) e os 4.545 $/t (+0,3 %), respectivamente. Por outra banda, frean as súas espectaculares subidas a manteiga e o leite enteiro en po: a manteiga ao peche da xornada estaba nos 6.958 $/t (-1,8 %) e o leite enteiro en po rexistra 4.596 $/t (-2,1 %).
