A última poxa internacional de Fonterra rexistrou un repunte moderado no índice global de prezos do comercio de produtos lácteos, que acada os 4.249 $/tonelada, un +0,7 % respecto da oferta anterior.
A leite en po enteira sitúase en 4.012 $/tonelada, cun aumento do 2,1 %, sendo o compoñente que máis subiu, mentres que a leite en po desnatada mantense nos 2.805 $/tonelada, cun lixeiro incremento do +0,4 %. A manteiga descende ata os 7.214 $/tonelada, reflectindo unha caída do ‑3,8 %. Tamén se rexistran baixadas lixeiras no cheddar, que queda en 4.575 $/tonelada, cun descenso do ‑0,6 %; e na mozzarella, que con 4.690 $/tonelada mostra unha caída do ‑0,1 %.
O lixeiro incremento do índice xeral responde sobre todo ao notable repunte da leite en po enteira, mentres que o resto dos produtos mostra estabilidade ou baixadas moderadas. A manteiga foi a máis afectada dentro dos derivados, arrastrando cara abaixo os prezos medios do comercio internacional. A pesar dos descensos de produtos como o cheddar e a mozzarella, o leve impulso do índice global suxire unha demanda aínda activa no mercado lácteo.
