A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, acaba de publicar o último Informe de Declaracións de Entregas de Leche Cruda a los Primeros Compradores do ano 2023, relativo ao mes de decembro, no que se rexistra un prezo medio similar ao de novembro: 0,521 €/litro.
Con respecto ao volume de produción mensual, a cifra de leite cru producido no país incrementouse no mes de decembro de 576.329 toneladas a 608.155 toneladas.
As comunidades autónomas que alcanzaron o prezo máis alto en decembro foron Canarias (0,632 €/litro), Comunidade Valenciana (0,555 €/litro), Aragón (0,545 €/litro) e Andalucía (0,544 €/litro), mentres que Galicia (0,495 €/litro), Baleares (0,499 €/litro), Madrid (0,523 €/litro) e A Rioxa (0,527 €/litro) rexistraron as medias máis baixas.
