A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, publicou o Informe de Declaracións de Entregas de Leite Cru aos Premeiros Compradores correspondente ao mes de febreiro de 2022, no que se plasma un prezo medio do conxunto estatal de 0,378 €/litro, cifra que mellora pouco a rexistrada en xaneiro (0,371 €/litro).
Baleares (0,353 €/litro), Galicia (0,366 €/litro) e Cantabria (0,368€/litro) son as comunidades coas retribucións máis baixas do país. No extremo oposto, destacan Canarias (0,465 €/litro), Castela-A Mancha (0,398 €/litro), Cataluña (0,398 €/litro) e Madrid (0,398 €/litro) como as comunidades que anotan os importes máis elevados.
