A cuarta poxa do ano de Fonterra rexistrou o seu cuarto incremento consecutivo no índice global de prezos do comercio de produtos lácteos. Nesta ocasión, a suba foi dun 3,6 %, ata situarse en 4.028 $/tonelada.
A realidade é que a maioría dos lácteos incrementou o seu valor. Destacan especialmente as subas da manteiga (+10,7 %), da mozzarella (+5 %), do leite desnatado en po (+3 %) e do leite enteiro en po (2,5 %), acadando prezos de 6.347, 3.879, 2.973 e 3.706 $/tonelada, respectivamente.
Nesta poxa, tan só descendeu lixeiramente o prezo do cheddar, un 1 %, ata os 4.736 $/tonelada.
