04-09-2024
O Observatorio Lácteo da Unión Europea publicou os valores medios dos produtos lácteos en Europa e confirma a tendencia á alza nas últimas catro semanas, con incrementos na manteiga, o queixo e os leites en po.
Neste informe, o Observatorio Lácteo da Unión Europea sinala subas nas cotizacións da manteiga, que acadou os 7.270 €/t, tras un aumento do 6,5 %; o leite desnatado en po, que chegou aos 2.500 €/t, tras subir un 2,9 %; o leite enteiro en po, cun prezo medio de 4.040 €/t (+2,9 %), e o queixo, que incrementou o seu valor un 0,6 % ata os 3.920 €/t.
