Transmedia Comunicación, empresa editora de Vaca Pinta, é unha das tres finalistas na categoría de "Mellor Contido Especializado" na 17ª edición dos Premios CLABE de Xornalismo e Comunicación grazas ao reportaxe "As Mulleres Traballadoras do Sector Produtor". Este recoñecemento destaca o compromiso de Transmedia coa creación de contido que represente con rigor a realidade do sector produtor español en xeral e que visibilice a función fundamental das mulleres no ámbito agrogandeiro en particular.
Os Premios CLABE, que este ano avaliaron máis cun cento de candidaturas, buscan recoñecer a excelencia e a innovación no ámbito xornalístico e de comunicación no país. Nesta edición, Transmedia comparte nominación na súa categoría con "Xigantes da Ciencia," da revista Quo, e co medio tecnolóxico Xataka.
O xurado encargado de seleccionar os finalistas desta edición está composto por destacados profesionais da comunicación e da tecnoloxía, incluíndo a Juan Zafra (CLABE), Ignacio Rojas (Peldaño Media Group), Luis Collado (Google), Yolanda Rueda (Fundación Cibervoluntarios), Francisco Zuasti (Tododisca), Eva Herrero (Universidade Carlos III) e Carolina Álvarez (Grupo de Comunicación Radio Tudela).
Os Premios CLABE, considerados un referente no xornalismo e na comunicación en España, reúnen cada ano os principais editores e medios de comunicación, así como a figuras do ámbito público e privado, nunha celebración do labor informativo e do seu impacto na sociedade. A gala de entrega dos galardóns, onde se anunciarán os gañadores, celebrarase o próximo 19 de novembro no CaixaForum de Madrid.
ROMPER CON CRITERIOS SEXISTAS NO SECTOR PRODUTOR
"No número de marzo de 2024 de Vaca Pinta quixemos abordar en que punto está o debate respecto da igualdade de oportunidades no traballo ao noso redor e o resultado foi, cando menos, esperanzador. Todas as participantes nesta peza apuntaron que seguen sendo unha realidade do día a día os casos de machismo e discriminación por razón de sexo, pero, non obstante, tamén celebraron que, concretamente, o rol da muller traballadora no sector primario é cada vez máis activo e valoraron moi positivamente a oportunidade que lles brindou o campo para desenvolverse profesionalmente", destacaron as autoras da peza.
Así mesmo, desde Transmedia tamén subliñan que o avance do sector produtor non só se trata de tecnificación e modernización en maquinaria e instalacións, senón tamén de romper con criterios sexistas e roles preestablecidos: "Sabemos que neste sector cabemos todas e todos e, se se dá o caso de que hai quen aínda o pon en dúbida, oxalá que este reportaxe servira como punto de inflexión".
