A empresa DeLaval pon en marcha os seus servizos de asesoramento para ganderías, unha iniciativa deseñada para axudar os distribuidores a ofrecer un soporte aínda máis completo e especializado ás persoas gandeiras.
Con este obxectivo, a compañía certificou este ano o seu primeiro equipo de asesores, dotando a rede de distribución dos coñecementos e habilidades necesarios para converterse en expertos de referencia en sistemas de muxido, biosensores e manexo da gandería de leite. Un equipo de doce persoas xa está preparado para acompañar as persoas gandeiras na optimización dos seus negocios.
Levaranse a cabo formacións clave para garantir o mellor aproveitamento da tecnoloxía na gandería. Entre outras, sobre a posta en marcha, segundo os protocolos oficiais de DeLaval, para todo tipo de sistemas de muxido, tanto automático (AMS) como convencional (CMS).
Ademais, centraranse no coñecemento de todos os biosensores de DeLaval, o uso de DeLaval Plus e a análise do rendemento do sistema de muxido MPS.
Con esta aposta pola formación e a especialización, a firma destaca que “reforza o seu obxectivo de ofrecer un soporte próximo, profesional e de calidade, asegurando que cada gandería conta co respaldo necesario para mellorar a súa produtividade, eficiencia e benestar animal”.
