O XXXIX Concurso de Gando Frisón da Moexmu acaba de rematar coa vitoria de Kergo Ozalid 6818, da ganadería A Lagoa Serabel (Xermade, Lugo). Así o decidiu o xuíz do certame, Francisco Javier Freije, de Conafe, no recinto feiral Manuel Vila de Muimenta (Cospeito, Lugo), localización na que se celebrou o concurso ao longo do día de hoxe.
Ao coñecer a súa vitoria, Abel Carballo pediulle matrimonio na pista a Nerea Iglesia, momento que recollemos na nosa emisión en directo.
Mañá terá lugar o Concurso de Novos Manexadores, organizado polo Clube de Xóvenes Gandeiros de Galicia. Os puntos obtidos neste encontro sumaranse ao Campionato-Puntuable Club Xóvenes Gandeiros de Galicia 2025.
