Xa se atopan dispoñibles na nosa sección de televisión os vídeos da xornada organizada por Zoetis o 13 de decembro en León sobre Uso Racional de Antibióticos no traballo do veterinario de calidade de leite. A compañía aproveitou esta cita para presentar o seu proxecto “Secado Selectivo”, que xorde como consecuencia do impacto da aplicación do Plan Nacional fronte á Resistencia aos Antibióticos (PRAN), así como da notificación electrónica da prescrición de antibióticos en animais de produción que entrará en vigor este mes de xaneiro e que obrigará ao sector vacún de leite a enfrontarse a novos retos no manexo e a xestión sanitaria da calidade de leite. Estes e outros temas foron abordados na reunión á que asistiron máis de 60 profesionais do sector e cuxo obxectivo foi pór sobre a mesa as ferramentas e medidas das que se dispón para afrontar estes retos.
A xornada contou coa participación de Sara Sancristán (Axencia Española do Medicamento), Eugenia Peralta (Servizos Técnicos de Rumiantes de Zoetis), Demetrio Herrera (Q-Llet), Chus Fernández, (Calidade Pascual), Carlos Noya (Seragro), Gema Moyano (COVAP) José María Hernandorena (consultor) e Luís León (Zoetis Alemaña).
