MSD Animal Health retoma os seus webinars de Vacuna la vaca e farao mañá mércores 30 de xuño ás 18:00 horas co seminario online "O impacto do estrés por calor en vacún de leite".
Contará coas exposicións de Geoffrey Dahl, do Departamento de Animal Science da Universidade de Florida, e Alberto Fernández e Juan José Núñez, por parte de Allflex Livestock Intelligence, de MSD Animal Health. Falarán da diminución da eficiencia produtiva das vacas e os seus xatos debido ás altas temperaturas, ademais de mostrar os beneficios que os sistemas de monitorización achegan para a detección dos comportamentos dos animais, como o celo, o estrés por calor ou a ruminación.
O programa da sesión será o seguinte:
- Bebé, aquí fai calor: impacto do estrés por calor na xestación tardía da vaca e na xata. Geoffrey E. Dahl (Dpto. Animal Science da Universidade de Florida, Gainesville)
- Casos prácticos da monitorización do estrés por calor a través do bafexo. Alberto Fernández, Servizo Técnico Postventa Monitorización MSD Animal Health
- Sistemas de monitorización de Allflex Livestock Intelligence. Juan José Núñez, xerente de Grandes Contas Monitorización MSD Animal Health
Para velo en directo, e máis tarde en diferido, inscríbete gratis nesta ligazón.
