Vetia Animal Health, filial do grupo Zendal, participou un ano máis no XXVII Congreso Internacional Anembe de Medicina Bovina, organizado pola Asociación Nacional de Especialistas en Medicina Bovina de España, celebrado os días 28, 29 e 30 de maio en Vitoria (Álava).
Baixo o lema ‘Im-plantando: coñecemento, buiatría, sostibilidade, avance, medio ambiente, investigación…’, o evento reuniu aos principais expertos no ámbito bovino para abordar os desafíos actuais do sector, desde a innovación terapéutica ata a sostibilidade na produción gandeira.
Vetia estivo presente cun stand que puxo en valor a súa identidade como compañía especializada en saúde bovina, mostrando de forma integral as distintas solucións que compoñen o seu portfolio. O espazo converteuse nun punto de encontro para os profesionais do sector, que mantiveron un diálogo próximo cos representantes técnicos da empresa, interesados en coñecer a súa proposta de valor e as distintas aplicacións no campo.
“Participar no Congreso de ANEMBE permítenos reforzar o noso vínculo cos profesionais da medicina bovina e presentarlles solucións sempre orientadas ás necesidades reais do sector”, sinalou Nieves Martínez, directora de Márketing de Vetia Animal Health.
