20-03-2024
O vindeiro martes 26 de marzo terá lugar o seminario web "Abordaxe práctica da dor en vacún: da detección ao tratamento" organizado por Vetoquinol. O horario é de 19:00 h a 20:00 h e será gratuíto, en directo e con traducción simultánea.
Raphael Guatteo (DVM, PhD, diplomado ECBHM e profesor de manexo de saúde de vacún en Oniris, Nantes) guiará os asistentes a través dos seguintes temas na abordaxe da dor en vacún:
- Dor ou dores: mecanismos e diferentes tipos de dor.
- Detección de dor: volta ás orixes e presentación de cadros específicos.
- Manexo da dor e beneficios dos AINEs: mastites, coxeiras e xatos.
Para asistir ao webinar ou para velo en diferido é necesario rexistrarse nesta ligazón. O seminario web forma parte das accións que a compañía pon en marcha co obxectivo de axudar a conseguir un leite mellor cunha produción leiteira máis rendible e sustentable.