Ucoga, empresa de seguros especializada no sector agroalimentario e de transporte, celebrou a súa asemblea xeral de socios no Pazo Vistalegre de Santiago de Compostela o pasado 12 de maio.
Durante o evento, destacáronse cuestións como a aprobación, por unanimidade, das contas anuais e os datos do peche de exercicio 2021, que, a pesar da crise económica xerada por mor da pandemia, foron moi positivos: a cifra de negocio de Ucoga incrementouse nun 16,7 % con respecto ao ano anterior, xestionou un 14 % máis de pólizas que no ano 2020 e ten un 25 % máis de clientes.
Ademais, Ucoga consolidou accións que se atopan nos obxectivos marcados do seu Plan Estratéxico 2021-2023. Por exemplo, a integración dun cadro de mando e dun CRM que facilite e mellore a xestión interna do negocio, a consolidación dun departamento de venda en liña ou a dedicación de moitas horas para formar ao persoal.
