Ucoga Asesores SL formalizou este mes a compra da correduría Cima Gestión de Riesgos, situada no concello coruñés de Touro, preto de Santiago de Compostela. A empresa adquirida conta con máis de 40 anos de traxectoria.
Esta nova integración facilítalle ao grupo Ucoga ampliar o seu alcance e reforzar o seu compromiso cos ámbitos menos urbanos da comunidade galega.
Para Iván Novo, director xeral de Ucoga, esta operación "permítenos fortalecer a nosa presenza nas zonas rurais, onde vemos un gran potencial para seguir ofrecendo servizos personalizados e de calidade".
Este movemento representa a primeira compra corporativa de Ucoga, dende a que cren que podería xerar un "efecto chamada" para futuros acordos dentro da concentración do mercado que se está vivindo na actualidade.
