Ucoga continúa co seu plan de expansión en Galicia coa inauguración dunha nova oficina en Monforte de Lemos. Esta apertura responde á vontade da corretoría de estar cada vez máis preto do cliente, ao ofrecer un servizo profesional, humano e adaptado ás necesidades reais de cada persoa.
A nova oficina responde á colaboración consolidada entre Ucoga e a Cooperativa Lemos, da que a corretoría é xestora exclusiva en materia de seguros. O acto de inauguración contou coa presenza de representantes de ambas entidades e numerosos veciños.
Iván Novo, director xeral de Ucoga, sinala que "esta apertura reforza o noso compromiso co rural galego e co sector agrario, que é a orixe e motor da nosa actividade".
