Ucoga celebrou a inauguración da súa nova oficina de seguros en Sarria (Lugo) o pasado 25 de febreiro. Esta apertura representa un paso máis no seu compromiso de estar cada vez máis preto dos seus clientes, ofrecéndolles un servizo cálido, personalizado e accesible.
Desde Ucoga aseguran que "o obxectivo é coidar das persoas e dos seus bens cunha ampla variedade de seguros deseñados para adaptarse a cada necesidade. Desde seguros de fogar, coche, saúde e vida ata solucións específicas para empresas, transportes e o sector agrario, a compañía traballa día a día para brindar tranquilidade e confianza aos seus asegurados".
Iván Novo, director da correduría de seguros Ucoga, destaca a importancia dunha xestión próxima e personalizada no sector: "O noso traballo non se limita a ofrecer pólizas, senón a comprender as necesidades de cada cliente e acompañalo cun asesoramento experto que lle achegue verdadeiro valor".
A comunidade local acolleu con entusiasmo esta nova oficina, que está pensada para ofrecer un servizo aínda máis próximo e personalizado. Durante a xornada, os visitantes puideron coñecer de primeira man as instalacións e conversar co equipo de profesionais, sempre disposto a asesorar e acompañar a cada persoa na procura da mellor protección. Con esta nova oficina en Sarria, Ucoga reforza o seu compromiso de seguir medrando xunto aos seus clientes, apostando por un servizo baseado na confianza, a proximidade e a excelencia.
