Tecnor Lalín Maquinaria (TLM) presentará o próximo xoves, 29 de agosto, na Gandería Hermanos Fuertes Holstein (Algadefe, León), o seu novo modelo Matrix Rover Jumbo Ultra.
A granxa abrirá as súas portas ás 11:30 horas. Ás 12:00 terá lugar a presentación da máquina e, posteriormente, realizarase unha demostración nas instalacións.
A serie Rover Ultra é unha evolución mellorada da Rover Up, con novas características que inclúen unha cabina máis cómoda e de fácil mantemento. Está equipada cunha caixa de cambios Powershift con control electrónico, o que facilita un arranque suave. A suspensión hidráulica dianteira foi optimizada e o sistema de refrixeración mellorouse para unha limpeza máis sinxela. O innovador depósito móbil mellora o acceso para mantemento e posiciona mellor os silenciadores. A serie ofrece robustez, eficiencia e personalización, cunha ampla gama de capacidades.
