Syngenta acaba de anunciar a incorporación do negocio de Koipesol Semillas á súa marca, consolidándose así como unha soa forza e afianzando o seu compromiso coa innovación e o desenvolvemento no sector agrícola.
Con máis de 56 anos de experiencia na comercialización de sementes, Koipesol foi un referente no mercado e a súa integración permitirá a Syngenta ofrecer solucións máis completas aos agricultores. De feito, Koipesol Semillas naceu cunha vocación de axuda e apoio ao agricultor español para desenvolver o cultivo de xirasol para a produción de aceite, converténdose na primeira empresa española no sector do aceite de xirasol.
Dende finais dos anos 90, Syngenta estivo unida a Koipesol Semillas coa adquisición dun 60 % do negocio e fusionando os seus bancos xenéticos. Esta integración dá paso a unha mesma forza baixo a marca Syngenta, empresa á vangarda do avance na agricultura que combina a herdanza e a innovación para ofrecer solucións que apoien os agricultores nos seus desafíos diarios.
