Os días 2 e 3 de xullo, a localidade de El Barco de Ávila acolleu o encontro anual do grupo de expertos Soloextensivo, nun evento organizado por Boehringer Ingelheim Animal Health España. O colectivo, creado en 2018 pola empresa de saúde animal como unha rede de profesionais, está formado por veterinarios especializados en vacún extensivo e consolídase como un foro de referencia para o intercambio de experiencias, avances técnicos e o debate sobre os retos do sector.
Información teórica e práctica
As persoas asistentes participaron en dúas sesións técnicas durante a primeira xornada. Isabel Casaus, representante da Convención sobre o Comercio Internacional de Especies Ameazadas de Fauna e Flora Silvestres (CITES), abordou o manexo da recría en vacas nutrices, compartindo aspectos clave para optimizar esta etapa e o seu impacto positivo nas explotacións de vacún extensivo. Alberto Díez, da Universidade Complutense de Madrid, realizou un repaso da evolución da dermatose nodular no territorio nacional e sinalou os principais aspectos que preocupan na actualidade. Na segunda xornada, as persoas asociadas ao grupo puideron visitar as instalacións de dúas empresas do sector, nas que intercambiaron impresións e coñeceron diferentes modelos de manexo existentes na zona.
