O 17 de outubro, o Pazo de San Lorenzo en Santiago de Compostela foi o lugar elixido por Boehringer Ingelheim para a celebración da IV Xornada de Veterinarios de ADSG de Galicia. A cita reuniu nesta ocasión a máis de 70 profesionais responsables da sanidade da ADSG procedentes de toda a comunidade.
Este evento, de carácter anual, reúne aos veterinarios responsables da sanidade da ADSG de Galicia ao redor de temas de interese técnico. Na presente edición, o eixo central foi o diagnóstico da BVD e IBR de maneira integral, abordando os aspectos desde un punto de vista epidemiolóxico, laboratorial, sintomatológico e clínico de ambos os procesos.
Nesta ocasión contouse coa doutora Susana Astiz (INIA), o doutor Juan Manuel Loste (Albaikide), o doutor Valentín Pérez (Facultade de Veterinaria da Universidade de León) e Antón Esnal (laboratorio Analítica Veterinaria). En conxunto, e de maneira concisa, tratáronse todos aspectos da BVD e IBR para poñer de manifesto tanto a relación entre eles, como a súa importancia relativa en cada caso.
