Os irmáns Alberto e Fermín Sanz son os únicos propietarios da gandería segoviana Sanz Escorial (Cantalejo). Con 270 cabezas de gando en total, entre frisonas produtoras de leite, recría e xatos para ceba, atopáronse de fronte hai anos cun dos problemas máis recorrentes no sector lácteo: a falta de man de obra cualificada.
A continuidade da súa gandería dependía de lanzarse a apostar polo muxido robotizado, se non seguramente terían que chegar ao peche. Como clientes do distribuidor GEA na zona, Comercial Lobo, e tras visitar varias explotacións similares, déronse conta de que esta podería ser a solución e finalmente colocaron dous DairyRobot R9500.
Hai 14 meses que cambiaron a sala 2x4 na que muxían as súas 105 vacas de leite polos dous robots de GEA e nas seguintes páxinas cóntannos toda a súa experiencia.
Ademais, pasaron de traballar con podómetros a xestionar os seus animais cos colares CowScout e engadiron ao proxecto de robotización a saída guiada e unha sala de espera con portas de preselección e postselección para un manexo máis eficaz das vacas.
