Eilza presenta un novo programa formativo sobre sustentabilidade na industria láctea, pensado para informar sobre a importancia de coidar o medio ambiente e que brinda as ferramentas necesarias para implementar prácticas sostibles en empresas lácteas.
Este programa conta con varias accións formativas. "Novidades do R.D. 1055/2022 sobre xestión de envases e residuos de envases" é o título do primeiro seminario, que se desenvolverá o 5 de xuño de 2024 de 16:30 a 18:30 horas.
Durante estas accións formativas, que se impartirán en liña, aprenderase sobre as últimas tendencias en xestión sostible da auga e dos residuos sólidos e subprodutos da industria láctea, co obxectivo de reducir o impacto ambiental e mellorar a eficiencia nas instalacións. Os cursos finalizan coa realización dun caso práctico, e ademais contarán coa experiencia neste campo dos profesores.
