Novalac Prima Fiber é o novo penso estárter texturizado de Nanta con fibra longa para xatas lactantes. Con el, maximízase o crecemento e a saúde da xata e poténciase o desenvolvemento equilibrado do animal e o seu benestar, ao achegar un elevado contido enerxético e proteico, xunto coas vitaminas e os minerais necesarios para esta etapa tan esixente.
Ademais, incorpora talos de alfalfa cortados coa lonxitude adecuada para reducir o risco de paraqueratose e o engrosamento do estrato córneo do epitelio ruminal. Así mesmo, mellora o desenvolvemento das papilas ruminais e a absorción de ácidos graxos volátiles, o que aumenta a eficiencia alimenticia.
PROGRAMA PRIMA
Para obter os mellores resultados, Novalac Prima Fiber debe administrarse desde os 3 días ata os 4 meses de vida. Está especificamente deseñado para administrar con altos volumes de leite no marco do Programa Prima, o programa de recría de Nanta que se basea na gama de pensos Novalac Prima para xovencas e os lactoremplazantes Nantamilk. Prima ofrece tamén un servizo de asesoría profesional focalizado no benestar animal e orientado cara ao incremento da rendibilidade da gandería, con solucións adaptadas ás características de cada granxa.
