Coa finalidade de apoiar e incentivar a formación e investigación na área da gandería, Nanta e a Universidade de Zaragoza crearon a Cátedra Nanta Gandería de Precisión. Este convenio fíxose efectivo o 23 de setembro mediante a firma do acordo entre a Universidade de Zaragoza, con Gloria Cuenca, vicerreitora de Transferencia e Innovación Tecnolóxica, como representante, e a empresa Nanta, estando presente o seu director xeral, Pedro Cordero.
O principal obxectivo desta cátedra é crear un espazo para a aprendizaxe e desenvolvemento de proxectos de investigación xerados en cooperación entre a universidade e a compañía. Desta forma, contempla a organización de actividades formativas (como conferencias, seminarios, prácticas de estudantes e visitas a instalacións), o desenvolvemento de proxectos de investigación en nutrición e dixitalización, teses doutorais e traballos de fin de carreira, así como a posible contratación de persoal para abordar todas estas accións.
A Cátedra Nanta Gandería de Precisión inicia a súa andaina con Delia Lacasta, profesora do Departamento de Patoloxía Animal da Facultade de Veterinaria da Universidade de Zaragoza, como directora, e a participación de José María Belo, xefe de produto de ovino e caprino en Nanta
