MSD Animal Health lanza ao mercado un selador de tetos para a prevención de novas infeccións intramamarias durante o período de secado, creando unha barreira física para evitar que os patóxenos entren no ubre durante este período.
Baixo a lema “Todas as vacas se merecen un selador” e aliñado co enfoque One Health, a firma aborda o desafío do uso responsable de antibióticos a través da concienciación sobre a importancia da prevención de novas infeccións intramamarias en todas as vacas usando un selador, cumprindo así co Regulamento da UE que entrará en vigor en xaneiro de 2022.
O deseño da xiringa deste produto conta con vantaxes que melloran a súa aplicación, como a opción de realizar inserción parcial, respectando a canle do teto, e un tapón de fácil decapsulado. Ademais, non contén aire no interior, permitindo unha aplicación constante, homoxénea, máis rápida e cómoda grazas á distancia curta do émbolo.
