MS Schippers celebra o seu 60.º aniversario poñendo o foco en quen estiveron no centro da súa historia: os gandeiros. Cunha campaña global xa en marcha, a compañía rende homenaxe aos profesionais do sector, cos que traballou codo con codo durante seis décadas.
O que comezou en 1966 coa fabricación de crotáis evolucionou cara a un propósito claro: impulsar a hixiene nas explotacións gandeiras. Unha boa hixiene é a base de animais sans, granxas máis tranquilas e un mundo máis saudable, ao reducir a necesidade de antibióticos. Hoxe, MS Schippers acompaña ás persoas gandeiras con solucións prácticas para a limpeza e a desinfección, a calidade da auga, o control de pragas e o coidado animal, apoiadas na innovación e en ferramentas dixitais.
A compañía mantén unha liña de traballo constante: escoitar ás persoas gandeiras, comprender o seu día a día e ofrecer apoio baseado no que realmente funciona na práctica.
Para conmemorar este fito, a campaña pon o acento nas persoas que fan posible a saúde animal, amosando granxas reais, traballo real e o esforzo que hai detrás dos bos resultados.
A mensaxe é directa: “As persoas gandeiras son as que máis traballan en hixiene” (The hardest working people in hygiene). Unha idea que resume o seu compromiso diario coa mellora continua e que se traduce en animais máis sans, resultados produtivos estables e explotacións máis serenas.
A campaña de aniversario xa está activa e o vídeo conmemorativo pódese ver online.
