Boehringer Ingelheim Animal Health España celebrou a primeira edición da xornada técnica para veterinarios de ADS de Asturias. A cita tivo lugar o 19 de outubro no Hotel Palacio da Magdalena (Soto del Barco, Asturias).
O evento reuniu a preto de medio centenar de veterinarios de ADS do Principado. A acción ofreceu un programa completo de relatorios que se abriu coa intervención de Juan Carlos González Fernández, veterinario clínico en Asturias e vicepresidente de ANEMBE, quen falou sobre o futuro da ADS en Asturias.
Julio Benavides, científico titular adscrito ao Centro Superior de Investigacións Científicas (CSIC), tomou a palabra para tratar a importancia do papel do costro e o desenvolvemento do sistema inmune nos ruminantes neonatos. Pola súa banda, Sergi Ganau, responsable técnico veterinarios de Granja San José, fixo un repaso exhaustivo do manexo do costro para asegurar a óptima transferencia de inmunidade da vaca ao xato.
Manuel Cerviño, responsable técnico de Ruminantes de Boehringer Ingelheim Animal Health España, formou parte activamente desta xornada para presentar aos veterinarios Fencovis®, a nova vacúa fronte á diarrea neonatal dos tenreiros e a primeira no mercado europeo deseñada para previr a diarrea neonatal dos xatos causada por E.coli e Rotavirus bovino. Susana Astiz, científica titular do CSIC-INIA, pechou as charlas co relatorio "Patoloxía da Inmunidade".
