Froito da fusión de Euralis Semences e Caussade Semences Group en 2020 nace Lidea, situándose entre as dez empresas de sementes para cultivos extensivos máis importantes do mundo.
Lidea herda máis de 80 anos de experiencia e coñecementos e, por tanto, está preparada para converterse na mellor empresa de sementes de cultivos múltiples para os agricultores que buscan mellorar o seu rendemento. Non en balde, inviste cada ano máis de 34 millóns de euros en I+D para ofrecer unha gama integral e diferenciadora de solucións de alto valor engadido para as explotacións que practican a agricultura convencional ou ecolóxica, garantindo un fluxo de innovacións xenéticas e de variedades cada vez máis eficientes que satisfagan as necesidades de todos os agricultores, tendo en conta a dimensión ambiental.
“Actualmente, Lidea ten dúas marcas elites e independentes no mercado, Lidea e Caussade Semence Pro, ambas as fortalecidas pola fusión”, explica Fernando Garrachón, Crops Mánager da compañía, no número 30 de Vaca Pinta. “Este é o primeiro ano no que os gandeiros van ter un saco de Lidea nas súas explotacións, pero, en realidade, eles xa nos coñecen, xa teñen a súa confianza depositada nas nosas variedades contrastadas e, realmente, é no futuro cando imos ter ese empurrón en investigación e desenvolvemento de produto”, engade.
