As cooperativas Covap, con sede en Pozoblanco (Córdoba) e Alba, con sede en Albolote (Granada), suscribiron un acordo para avanzar paulatinamente na transformación e comercialización conxunta do volume de leite de vaca que os gandeiros de ambas entidades producen, o que supón o 88% de litros de Andalucía. Con isto preténdese unha maior concentración da produción láctea da rexión, que sumou 574 millóns de kilos en 2021, e engadir máis valor e estabilidade aos 360 socios gandeiros das dúas entidades.
Conforme o acordo firmado, xestionarase gradualmente a comercialización do leite de vaca de Alba, fixándose como metas progresar na súa transformación mediante a inversión en proxectos industriais que xeren máis valor no territorio da comunidade autónoma e procurar un maior nivel de integración dos ganadeiros. En definitiva, ambas cooperativas decidiron traballar xuntas para garantir a sustentabilidade dun sector como é o lácteo, con base en sumar o esforzo produtor e o industrial, a produtividade e a proximidade, algo que cada vez máis valoran os consumidores, nunha comunidade que é a primeira en consumo de lácteos de España, segundo os datos publicados polo Ministerio de Agricultura, Pesca e Alimentación en 2021.
