A Organización Interprofesional Láctea (InLac) presentou onte en Madrid o informe "O que importa é o leite: Folla de Ruta para un sector lácteo, económico, social e medioambientalmente sostible". Coordinado polo profesor Manuel Laínez Andrés, o documento establece bases para un futuro sostible do sector lácteo español, aliñado coa estratexia europea ‘Da granxa á mesa’, e define obxectivos e compromisos de sustentabilidade.
No evento participaron axentes do sector lácteo, autoridades, expertos en sustentabilidade e medios de comunicación. José Miguel Herrero, director xeral de Alimentación do MAPA, subliñou a relevancia do informe para a Estratexia Nacional de Alimentación. Daniel Ferreiro, presidente de InLac, e o profesor Laínez destacaron o esforzo colectivo e o compromiso coa sustentabilidade.
Durante a xornada, presentouse, ademais, o spot “Sostibles sen sabelo” da nova campaña de InLac e realizouse unha mesa redonda sobre os retos e oportunidades do sector na súa transición cara á sustentabilidade, coa participación de Rosario Arredondo, Antonio Larrea Morales e Henar L. Senovilla. Os relatores coincidiron na necesidade de colaboración para asegurar un futuro sostible para o sector lácteo en España.
