A industria española de sanidade e nutrición animal creceu en 2017 un 5,01 % con respecto a 2016, cun volume de facturación global de 1.417,68 millóns de euros, dos que 938,68 corresponderon ao mercado nacional cunha subida do 3,38 %, e os 479 millóns de euros restantes foron das exportacións que aumentaron un 8,36 % con respecto ao exercicio de 2016.
Estes datos poñen de manifesto a consolidación do sector nacional de sanidade e nutrición animal tras os últimos anos nos que foi recuperando o terreo perdido tras a crise económica padecida polo noso país, especialmente os datos do mercado exterior, onde a industria incrementa cada vez máis a súa presenza internacional: as empresas asociadas a Veterindustria están xa presentes en máis de 90 países de todo o mundo grazas á calidade, seguridade e eficacia dos seus medicamentos e produtos de sanidade animal.
