Do 22 ao 25 de outubro, a localidade de Putten (Holanda) acolleu a cuarta edición da Milk Quality Academy, que reuniu a 43 profesionais procedentes de diversos países de Europa, Asia e América do Norte. Organizado por Boehringer Ingelheim, o evento centrouse no papel do veterinario no control da mastite.
Durante toda a semana, os relatores e os participantes tiveron a oportunidade de compartir información sobre o rol do veterinario no futuro, así como o control da mastite como elemento clave para o benestar animal.
Entre as intervencións máis destacadas, Ian Ohnstad (Dairy Group) informou sobre o funcionamento das máquinas de muxido, mentres que Sofie Piepers (MExcellence) abordou a epidemioloxía da mastite e a implantación práctica dos resultados de diagnóstico; e Tine van Werven (University of Utrech) compartiu a experiencia en Holanda respecto ao uso prudente de antibióticos. Ademais, Hans Miltenburg e Ynte Schukken (GD Animal Health) revisaron as oportunidades e os retos do sistema automático de muxido e a saúde de ubre, culminando cunha mirada aos futuros desafíos aos que se enfrontará a investigación da mastite.
O programa científico completouse coa visita a dúas granxas con sistema automático de muxido e unha sala de muxido rotatoria. Deste xeito, os participantes puideron completar a súa experiencia teórica coa práctica. Finalmente, desenvolveuse unha sesión específica sobre habilidades de comunicación e como converterse nun veterinario influente da man de Dewi Hughes (Dewi W Hughes Ltd.).
