O chief executive officer de Zoetis, Juan Ramón Alaix, inaugurou o 34.º Congreso da Asociación Mundial de Veterinarios, celebrado do 5 ao 8 de maio en Barcelona co patrocinio da compañía.
Durante a súa intervención, centrada nos principais condicionantes da evolución da industria zoosanitaria nos próximos anos, Alaix sinalou tres factores de crecemento para a saúde animal a nivel mundial: o incremento da poboación mundial, que levará á necesidade de máis proteína animal para a súa alimentación; unha crecente clase media, con maior poder adquisitivo para a compra de alimentos, mascotas e para facer fronte aos coidados veterinarios das mesmas, e a expansión das cidades, que influirá na forma en que se entende a produción de proteína.
O congreso contou coa presenza de máis de 600 veterinarios de todo o mundo, cun amplo programa no que se abarcaron temas como os avances tecnolóxicos, a implicación do veterinario e o manexo de crise en saúde pública.
