No ano 2014, a empresa leonesa Inatega comezou a traballar no campo da xenómica, deseñando un panel de alta densidade de marcadores xenómicos para a mellora xenética do vacún de leite. Así, converteuse nunha das poucas empresas acreditadas polo CDCB do USDA americano a nivel mundial, e permitiu que miles de animais de granxas de toda Europa foran evaluados.
Logo deste éxito, en 2017, en colaboración co departamento de Xenética da Universidade de León, Inatega deseñou un panel de alta densidade con máis de 50.000 marcadores xenómicos, co que se analizou de maneira existosa o xenoma de máis de 15.000 ovinos de razas distintas. Con esta experiencia de máis de 10 anos, e un potente investimento económico, nace Genomyca Labs, un novo laboratorio de bioloxía molecular en Inatega que pon nome a partir de agora a todos os proxectos de investigación e estudos realizados no campo da xenética molecular, e que con esta nova acreditación recibe un aval oficial a todo o traballo realizado ata agora.
Genomyca Labs, que foi acreditado o pasado mes de maio polo Ministerio de Agricultura, Pesca e Alimentación, utiliza a tecnoloxía de secuenciación dirixida NGS e usa novo chip personalizado de marcadores para gando ovino, que permite determinar a resistencia ao scrapie, a paternidade e calcular o valor xenómico do animal. Estas tres determinacións non se podían levar a cabo de xeito simultáneo ata o momento.
