O sector queixeiro español ten gran potencial de crecemento e desenvolvemento tanto no mercado nacional como na exportación, explica o presidente da Organización Interprofesional Láctea (Inlac), Ignacio Elola. Na súa opinión, a innovación é un factor crave para seguir avanzando, así como a información ao consumidor sobre os valores nutricionais e beneficios para a saúde.
Cada ano impórtanse da orde de 300 millóns de quilos de queixo do exterior, na súa maioría referencias pouco diferenciadas, que dan saída ao excedente de leite doutros países do norte de Europa. Estes transformados exercen unha enorme competencia sobre o queixo nacional, que necesita de novos estímulos.
"As exportacións de queixo de vaca, cabra, ovella ou mestura multiplicáronse por 2,6 no últimos dez anos e o seu futuro é moi prometedor. Mentres tanto, o consumo interior do queixo español segue sendo unha materia pendente", indica Elola. O presidente destaca os altos parámetros de calidade e seguridade alimentaria que garanten os nosos gandeiros, cooperativas e fabricantes, así como o compromiso con mostrar o alto valor destes alimentos por parte de colectivos profesionais como os mestres queixeiros, os "afinadores", os comercializadores e os detallistas. Todos eles, comprometidos coa excelencia.
