"Vivimos nun mundo onde o heroísmo se asocia habitualmente con grandes actos de coraxe e sacrificio, pero, que pasa con esos heroes cotiás que silenciosa e dilixentemente coidan dos outros?". Con esta pregunta, Hipra quere reivindicar o papel do veterinario de bovino na nosa sociedade e dá o pistoletazo de saída á súa participación no Congreso Mundial de Buiatría 2024, que terá lugar a semana que vén, do 20 ao 24 de maio, en Cancún.
"The ones who are, the ones who matter" é o posicionamento da compañía para a súa área de ruminantes co obxectivo de poñer de manifesto o seu compromiso e contribución coa comunidade de veterinarios dedicados ao gando bovino. De feito, a entidade presentou un vídeo no que explican a mensaxe que queren transmitir nesta edición do WBC.
Como patrocinador do congreso, Hipra colaborou co comité científico do mesmo para ofrecer diversas sesións maxistrais a cargo de expertos en distintos campos de veterinaria bovina, como Christopher Chase ou Paolo Moroni, entre outros. Ademais, na zona de exposición, a compañía ofrecerá diferentes talleres teórico-prácticos e, o mércores 22, terá lugar o Simposio Hipra, que xirará en torno a como controlar eficientemente as principais enfermidades virais.
